 |
|
|
|
Eine Stimme
|
|
|
Wenn die Botschaft des Respektcamp Kreise zieht - ein Beitrag zum Thema Respekt |
|
|
|
|
|
Respekt isch wenn i altä Mensche Türe ufheb
wenn i mi ab Chlichindgschrei im Zug nöd ufreg,
Respekt isch dä Glaube as Guetä im Mensch niä ufgeh,
aber au dä Kampf geg s'Böse im Mensch ufneh,
Respekt isch wichtig im Chlinä wie im Grossä
Respekt bedütet au mängisch a sini Grenze stossä,
Respekt gits weder frisch pflückt, no iipfercht i dose,
Respekt isch nüt zum esse, und au kei Quatsch mit Sosse,
Respekt isch wemmer ohni Vorurteil uf anderi zuegoht,
aber sich aumol ä Pause gönnt und dä Körper rueh loht,
Respekt heisst au dassmer sinä Elterä zuelost,
Respekt isch aumol lächle wenn's eim nöd so guet goht.
Au Respekt isch eigentli nume es Wort
Respekt begegnet mir aber a jedem Ort,
Respekt het kei Sieger, es isch nämli kei Sport
Respekt vorem Lebä heisst nöd nume kei Mord,
Respekt isch lebenswichtig fürs gsundä Mitenand
äs Zeichä vo Respekt, mer begrüässt sich mit dä Hand,
Respekt isch wemmer au gsittet stritte chan,
Respekt isch aber öpis woni nöd drum bitte chan,
well jede usefinde mues, wiemer mit Respekt umgoht,
Respekt vor de Natur, nöd nur wenns Wetter umschloht,
Respekt vorem Lebä heisst nöd nur dassmer niemert umloht,
sondern dassmer friedlich mit sim Umfeld und dä Umwelt umgoht,
Respekt isch sehr verbreitet, doch nöd alli meined s'glich,
Au Respekt kennt Unterschied, wie zum Bispiel arm und rich,
oder au schwarz und wiss, doch i glaub a dich und mich,
denn s'ziel isch ä friedlichs mitenand, und do meined alli s'glich!
von E.S.I.K,
Verfasst im Juli 2010 |
|
|
|
|
|
Verfasst: E.S.I.K, Veröffentli; Arbeitsstelle Jugendfragen,
03.10.2011 |
|
|
|
|
|
Weiterführender Link:
 Das war das Respektcamp 2011 in St.Gallen
|
|
|
| |
|
zurück
zur
Übersicht im Bereich: Arbeitsstelle Jugendfragen,
|
|
|
|
|
|
|
